Tigzirt sur mer - Tizi ouzou

 

Yennayer amervuh...

 

Ttxilem ayemma

 

 

Aṭass n-wid yittazalen

S tuqna b-wallen

Nutni ɣilen

Aten-id sṣaḥ rekva

Aḥlil a tin iten yuɣen

Aɛeqa s-uclim it-vedlen

Deg-s ttmuqulen

Ur faqen dan di lḥemla

Win kkan id yekkren

As ttceqiren

D-izem at ren

Netta d-amcic lexla...

Amcic lexla...Imd Omar

 

Ḍemεaγ laxrif di ccetwa

Ziɣ nek d-niya

D ul iw ur n-fhim timsal

Urgaɣ di ssin inella

Nefraḥ neḍṣa

Ukiɣ-d ufiɣ  dayen d-azal

Nettat d-wayeḍ itevɣa

Γur-i ur d weha

Ccah ayul xas ur nuklal

Sur mon balcon...

Taddart-iw

Tafat-ik ma tecεel ḥader fell-as ama attexsi, s-ḥviver fell-as ɣaf waḍu ma iṣuded, xas ass – a tmeẓi, azekka ad timɣur ad teccaεcaε, ad tesvan avrid a tawiḍ...A nect iɣezif yiḍ ad yali wass…

Ulac win ur nḥamel taddart-is..Anida id yefruri…

Taddart-iw...Izerouken

Ameslay...

Aqlaɣ a n-tt-idir di yiwen lweqt amdan yuɣal ur yes3i ara yuk ameslay, i tettu din din dacu id yenna…ma i mudd-ak tti3ad xas ur ttkal, yezmer a kk-yeǧ di tlemast n-wevrid yernu amzun kra ur yeli, ma yufa cwit kkan win yeḥsev netta yif-ik truḥeḍ akken qaren di lkil n-zit…Ttawaɣit…Amdan dayen ikcem-it ṭmaɛ ala adrim ig yettwali sdat wallen-is…Yizmer ad- yettu ula d-wid at-id- rebban, tixar ayaḥviv neɣ amdakkel u wiyaḍ ulac yuk…Qaren akka id dunit nekk ad iniɣ akka i tiselvi…Aḥlil ik yuɣen ayamdan…

Lehlak-iw

Lehlak-iw ur t-fhimeɣ ara

Tudert n-tmara

Mi ttuɣ ayid yesmekti

Alleɣ yettfur tagecrirt ta3ya

Svar yeǧǧaya (ɣ)

Xas akken aqraḥ ur yeli

Nek si zik ur tesineɣ ara

Inulfa-d tagara

Ijebbed deg-i amzun s-ileẓwi

D-illes-iw

D-ils-iw id–yebbwin lada - buddγ-as sif a t yeggzem

Kulcci yehwej lehdada-yelha leqdar ger medden

Win urneγri di lmaεrifa regglen fell-as yehbiben

C'est la langue qui est la cause de tout mon mal : je voudrais une épée pour la couper.

Toute chose doit être limitée et il convient de se respecter mutuellement.Qui n'a pas appris les bonnes manières voit ses amis fuir loin de lui.

Wid yesefcalen...

Ma llan wid ik-yisefcal-en iẓwiṛ, ur sen-ttḥesis ara, err iman-ik d a3ezug t-xedmeḍ lecɣal-ik, mi ten-t walaḍ veddel avrid, Win ik-id yiseqsan, inna-s labas…Lecɣal-ik zwaren tiɣimit…kker-asen ɣef zik, ur s-maεḍil ama ad yerwel fell-ak zman, ad iεeddi lawan at- tendemeḍ…iḥric, isin…Tusna tafat, yis att-waliḍ avrid-ik…Ayen wer tesineḍ, nadi fell-as, steqsi, ur tt-setḥi, nadi tasarutt i telin tabburt iɣelqen, s-kred tagmatt isεan tayri deg-ul, iḥamlen tidett, ikerhan lvaṭel d wayen n-diri…Nekk weṣaɣ-k kečč wali…

Vɣiɣ ad vedleɣ amkan...

Vɣiɣ ad vedleɣ amkan

A lukkan kra n wusan

Ahat laεqel ad yestaεfu

D-lmux meskin ig-εeyan

Ur yeggan uḍan

Iratt inhati yett-suɣu

Iḍ d-wass ɣur-s msawan

Kra yelan d-averkan

Wis anda bwiɣ daεwesu…omar naamar

Lward amelal yecvaḥ

Lward amelal…

Lward amelal icbaḥ

Tamuɣli deg-s tiṭ tertaḥ

Tibḥirt teǧǧuǧeg yi-s dayen kkan

Rezuɣ ɣur-s yal ṣbaḥ

Ar yiṭij afeɣt iftaḥ

Si nda iffer-is yeččur d-aman

Tiṭ terwa deg-s ameraḥ

Amkan deg yella ifeḥfaḥ

Iεecqit s-kra n-win it yeẓran

Nekk ḥemlaɣ-t yerna d-ṣsaḥ

Sεiɣ-t ul yezga ifraḥ

D-netta id yernan cbaḥa i leǧnan

….Yerna-d cvaḥa i leǧnan

Afrux afarṭeṭu deg-s zhan

Ttwaliɣ-ten zggan rrif-is

Tizizwit arẓeẓ ksan

Tissist tegguver amkan

Ɣur-es tcud lexwuḍ-is

Ula d-awtul id iɛeddan

D-gzal  iṭij it yeseḥman

Iẓẓel ad iqqegel ar tili-s

Nekk ḥemlaɣ-t dayen kan

Ulac  lward it yecvan

Yezga izegzaw ifer-is…

Ttazalen wussan...

Ttazalen wussan nukni nedha, neksa, neqqaṛ azekka ahat fell-aɣ att-veddel teswiεt ad ferzen lecɣal, ad neqḍu taɣawsa, ul ad yinecṛaḥ ad yaf levɣis…Akka neṣveṛ u mazal a neṣveṛ…Ilhan win i srekden lεaqel is…

Taddart-iw Izeruqen- Makouda