Lward amelal yecvaḥ

Lward amelal…

Lward amelal icbaḥ

Tamuɣli deg-s tiṭ tertaḥ

Tibḥirt teǧǧuǧeg yi-s dayen kkan

Rezuɣ ɣur-s yal ṣbaḥ

Ar yiṭij afeɣt iftaḥ

Si nda iffer-is yeččur d-aman

Tiṭ terwa deg-s ameraḥ

Amkan deg yella ifeḥfaḥ

Iεecqit s-kra n-win it yeẓran

Nekk ḥemlaɣ-t yerna d-ṣsaḥ

Sεiɣ-t ul yezga ifraḥ

D-netta id yernan cbaḥa i leǧnan

….Yerna-d cvaḥa i leǧnan

Afrux afarṭeṭu deg-s zhan

Ttwaliɣ-ten zggan rrif-is

Tizizwit arẓeẓ ksan

Tissist tegguver amkan

Ɣur-es tcud lexwuḍ-is

Ula d-awtul id iɛeddan

D-gzal  iṭij it yeseḥman

Iẓẓel ad iqqegel ar tili-s

Nekk ḥemlaɣ-t dayen kan

Ulac  lward it yecvan

Yezga izegzaw ifer-is…

Ttazalen wussan...

Ttazalen wussan nukni nedha, neksa, neqqaṛ azekka ahat fell-aɣ att-veddel teswiεt ad ferzen lecɣal, ad neqḍu taɣawsa, ul ad yinecṛaḥ ad yaf levɣis…Akka neṣveṛ u mazal a neṣveṛ…Ilhan win i srekden lεaqel is…

Taddart-iw Izeruqen- Makouda

Omar naamar/ Hader at tettum lvaḍna

Aneft- as att-ruh...

Omar Naamar / Aneft- as  att-ruh...

Kem ayemma

Yemma yemma 
Kem ayemma…
Ageruj id teǧiḍ yettwaḥrez
Tudert n-lεez
Ttaεwint seg-s id ugma
Ayemma yemma 
Kem ayemma…
Amelsay-im ttaflit yis ul yefṛez
Ur yettwarez
Ur yettisin avrid n-ndama
Yemma yemma 
Kem ayemma…
Tenhid degn-a iwakken anefrez
Tudert att-ggerez
Yal tamsalt tesεa lqima…Imd@omar

Taqvailit teḥwaǧ araw-is

N-ttnadi wid nneɣ tid ara-d yirnun kra i teqvailit, ay-ssalin di ccan-is, s-umeslay iweznen…Taqvailit tidet ass-a teḥwaǧ yuk araw-is dacu kan ilaq cwiṭ laεqel iwakken anaẓ ɣar zdat macci ɣar deffir…Ḥsut s-ttawwil-at yuk yelan yissen i nezmer a nsiweḍ taqvailit sani i nevɣa…Macci d awal kan… yal yiwen iruḥen ɣar tesdawit ad yili d-afud ma imud-d afus di yal tamsalt…Ur ttraju-t ara awen inin xedmet…Zwiret s-anar…Imd@omar

Uccen uqemac

Sliɣ i wuccen uqemac yisqabaɛ

Deg daynin tixsi tesvaɛvaɛ

Ivan fell-as tuggad tḥus

Aqjun zdat tebburt yiḍmaɛ

Yittraju as-mudden ad yisvlaɛ

Isba3erid allen iɛus

Ivki  iteẓgi yisexdem draɛ

Ulac wi zemren at iqeraɛ

Izem iceṭeḥ-as yikkat afus….imd@omar

Taswiqt b-wezru uɣedu….

Taswiqt b-wezru uɣedu….

Γaf ayen kkan  icfiɣ…

Aggur weqqvel ass n-tsewiqt, di yal ddurt ddi ssuq n-lǧemεa di Tizi wezu ad iεddi uveraḥ ad yesawal awid yellan da ad inin iwid ulac ass leflani aatan ad tili teswiqt deg wezru uɣedu id yusan deg dwar Makuda, teǧǧaṛ ad wid yellan yuk din wa ad yiqqar iwa…Di yal ddurt akkenni alama yebḍed wass-en …Medden yuk ad heggin iman-nssen, s-kra, n-win yisεan kra at yezenz nneɣ win yisεan  kra n-tɣawsa at-id yiqḍu, ama d-lmal, ama d-lkettan, ama d-aksum d-wayen yitteḥwiǧi wemdan…

Taswiqqt b-wezru uɣedu xedmentt di octtober nneɣ di tazwara november yal d –assegwas…Qqaren d-akken cfiɣ d-ass amenzu n-tfellaḥt, yerna d-lvaraka…Dayen zemren ad-vdun ifellaḥin aheggi n-tevḥirin n-ssen it kerza, afras t-neqqact…

Weqvel taswiqt si yebbwas akken kkan ad yaweḍ uzizwu ad –vdun teǧǧaṛ ad ttas-ssen wad srusun azenzi nssen, dina yal yiwen yesεa amkan-is… Tameddit nni ya kkan t-ttili-d lwada dina, llan wid id iheggen imensi iyemẓuren, aṭas n-lɣaci id yittasen yerna llan wid iveεden,dɣa ttnusun dina, daxxel n-lǧameε nneɣ di verra nebla ma ntu teǧǧaṛ idd yussan slembat…

Azekka nni ṣvaḥ zzik ad yivdu lɣaci  ad susaan si yal  tamma, llan wid yettaɣen, llan wid iznuzun, llan daɣen wiyaḍ ttasen-d amer  ahat  ad-afen kra n-tɣawsa  as yiεǧven, lḥaṣun ad yaccar wamkan nni ssuq, mmi tebbeḍ saεa azgen n-wass ad-yivdu lɣaci i neqqes, akken alama dayen yefra ssuq…Dayen ulac win id yeqqimen…Ula d-teǧǧaṛ refden ayen sεan  ruḥen…Akka ar assegwas wayeḍ…

Dacu kkan aṭas  s-gmi veṭlen ur  xedmen ara taswiqt agi…Nettmeni ahat yebbwas ad uɣaallen ar ɣur-es…

Nekk akka idd cfiɣ win yesnan yernud kra…Imd@omar

Axxam nneɣ…

Axxam nneɣ…

Deg-s id teǧǧuǧeg temzi-w,

Deg-s id lemdeɣ tudert,

Deg-s ittruɣ, iferḥaɣ, id ḍsiɣ…

Deg-s eyurggaɣ yal targit,

Deg-s id yela usirem-iw

Axxam nneɣ…

D-lehna, deg-s yezga yicreq yiṭij

Deg-s lḥamu i teksen asemiḍ deg-ul

Deg-s lehnana, deg-s  ttrevga, tashuli d-lewɛara

Axxam nneɣ…

Deg-s id ǧehden ifadden-iw

Deg-s yezdaɣ wul-iw…Deg-s ….Din-a ig yeqqim ruḥ-iw...Imd@omar...

Asefru n-at zik

Aqlaɣ n-teddu am-lmal
Ur yaεlim ḥed s-yiman-is
Albεaḍ yebḍazd lmijal
Di ssaεa ad yeddu lεamer-is
D i ddunit yeţţnawal
Ziɣ d-azzeka ay d-axxam-is...

Nous errons comme un bétail :
Nul ne sait où il va.
L’heure de l’un d’entre nous arrive-t-elle,
A l’instant son âme le quitte.
Sur terre, il ne songeait qu’a manger,
Et pourtant, la tombe n’est-elle pas sa vraie demeure ?
Imd@omar

Yiwen ufus ur itt-cceqir

Yiwen ufus ur itt-cceqir
Yiwen ufus ur yekkat lkkef

Ass-a neḥwaǧ tadukli kter n-yiḍali, ilaq fell-aɣ an-ili am iḍuḍan ufus.
Ma n-dukkel anesɛu lǧehd i wakken an-aweḍ ar levɣi n-saram.
Ma n-dukkel ur yezmir ḥed aɣ yiseɣli, ilaq ur n-ttaǧa amḍiq i win iɣi karhen ad-yikcem gara-nneɣ i wakken ad-immud times, aɣ-ihud leṣwaṛ, aɣ yisexṛev aẓeṭṭa.
Ma n-dukkel ayen inqeddec ad yefti wa ad-isɛu azal di-leǧnes.
Ma n-dukkel aneqqim d-agdud, tutlayt yiwet.
Ma n-dukkel aɣ yikkes lxuf, ur n-ttugged aɣ-uggaden.
Ma n-dukkel yal taɣawsa at-tifsus fell-aɣ.
Ma n-dukkel an ili am yizmawen mačči d-iwtel at-ṣayiden wuccan nen.
Ma n-dukkel asenǧaq nneɣ ad yirefref di yal tamurt.
Aṭfas afus igma-k...Wa n-dukkel...Imd@omar

Nevɣa tafat

Nezga neṛǧa, nevɣa tafat, neḥwaǧitt I tudert nneɣ…Nevɣa aɣ-d-grin wusan zegzawit, melulit…Ul awen ad ččaren s-tayri, d-wacmumeḥ degg wudem awen… Ayetmaten ad miεqalen…ad ksen ẓẓerb yelan gar-asen…ad aɣ-d tuɣal teḍṣa iɣ yeǧǧen d-iseggasen aya…An-ḥulfu aqlaɣ nedder…Mazal ur nengir ara…Nukni d-ayet waxxem…ur nett-veddil ara… Imd@omar

Si Korychi par Amar Hamoudi

 Par Amar Hamoudi 

Si Korichi, un poète a découvrir pour ceux qui ne le connaissent pas encore. Un talent impressionnant et d'une gentillesse et simplicité insoupçonnables. Toujours calme et souriant, il fait partie de ces personnes qu'on a envie d'approcher et avec lesquelles on garde des liens durables et sélectifs. Je l'ai toujours vu faire de la poésie et comme il est inspirant il a du nous donner le virus de cette noble façon d'exprimer, d'extérioriser les sentiments et les situations qui s'entremêlent au gré des événements, à la fois nombreux et difficiles. Dans une Kabylie meurtrie, juste sortie d'un génocide colonial où les hommes et femmes cherchaient des solutions aux nouveaux problèmes, se retrouver seuls face à un futur qui ne portait pas de nom. Des dizaines d'années plus tard, le changement peine à se lâcher. Une poésie qui trouve sa place, plus que jamais, dans notre temps et dans notre cœur. Les thèmes sont divers et variés, on s'en rend bien compte de la véracité des nuances par ces mots envoûtants qui rappellent à la conscience de la réalité. Notre cher poète, toujours humble et proche, vous accompagne et vous subjugue, toujours dans, à la fois, le rêve et le concret. Bonne poésie. Bon vent l'artiste....Imd@omar

Afud amuqran...

Afud amuqran i kra n-wid ixedmen ayen yelhan di tudert anida ma llan, i wid inneǧṛen iverdan n tayri ger yemdanen, i wid yevɣan ad walin ɣaf wudem-awen cvaḥa d-ucmumeḥ...Ḥemlen lxir, regglen ɣaf cceṛ...ttxiḍin kra din yeqqarsen...Afud amuqran seg ul yeṣfan i wid yettrebbin, teẓẓun lehna, talwit ad wayen i teddun yid-s... Afud amuqran i wid izerɛen tamussni xas ma akka aṭas b-uguren id tt-magaren i tudert-nsen...Afud amuqran i wid yessekcamen tafat deg ul-awen...Afud amuqran i wid iccennun af tayri n tddukkli isnen azal n leḥmala... Seg ul yesfan tanemmirt...Imd@omar